पुणे — आयआयटी मुंबईच्या प्राध्यापकाच्या नावाने प्रकल्प देण्याची भूमिका बनवून एमआयटीची ₹२ कोटी ४६ लाखांची फसवणूक केल्याच्या आरोपाखालील सायबर गुन्हेगार सितैय्या किलारु (वय ३४, मेहेर रोड, याप्रल, हैद्राबाद) याला पुणे सायबर पोलिसांनी हैद्राबादहून पकडून आणले आहे.
वरिष्ठ पोलीस निरीक्षक स्वप्नाली शिंदे यांच्या तांत्रिक चौकशीनंतर १८ सप्टेंबरला हैद्राबादमध्ये सापळा रचून त्याला अटक करण्यात आली.
आरोपीविरुद्ध हैद्राबाद व तेलंगणा पोलीस ठाण्यांमध्ये आधीचे अनेक गुन्हे नोंदणीत आहेत. त्याच्याकडून १० डेबिट कार्ड, १३ पासबुक, मोबाईल व इलेक्ट्रॉनिक साधने, दागिने व दोन मोटारी यांसह एकूण ₹४९,७५,०००चा माल जप्त करण्यात आला. आरोपीला ट्रान्झिट रिमांड घेऊन पुण्यात आणले असून न्यायालयाने त्याला २८ सप्टेंपर्यंत पोलीस कोठडी मंजूर केली आहे.
पोलिसांनी काळजीचे इशारे देत, अनोळखी व्यक्तीकडून आलेल्या व्यवहारांसंदर्भात सावध राहण्याचे आणि संशयास्पद घडामोडी नोंदवण्यासाठी एनसीआरपी पोर्टल किंवा नजिकच्या पोलीस ठाण्याशी संपर्क करण्याचे आवाहन केले आहे.
About the Author
