गांधी चौक पोलीस ठाण्यात गुन्हा, गुंगीकरक औषधाचा साठा जप्त
लातूर, दि. 09(मिलिंद कांबळे)
डॉक्टरांच्या प्रिसक्रीप्शन शिवाय मानवी शरिरासाठी धोकादायक असलेली गुंगीचे औषध बेकायदेशीरपणे विक्री करणाऱ्या शहरातील गांधी चौक येथील वारद मेडिकलवर पोलिसांनी कारवाई केली. सदर ठिकाणावर छापा टाकून मोठया प्रमाणावर गुंगीकारक औषधांचा साठा जप्त केला आहे.
याबाबत पोलिसांनी दिलेली माहिती अशी की
शहराचे उपविभागीय अधिकारी समीरसिंह साळवे यांना गुप्त बातमीदारामार्फत जुन्या रेल्वे स्टेशनच्या मोकळया पार्कीगमध्ये एक इसम कारमध्ये बसुन काहीतरी नशा करीत असल्याची खात्रीशिर माहिती मिळाली, यावरून त्या ठिकाणी पोलीसांनी पंचासह छापा मारला असता तो इसम नशा करताना मिळुन आला. त्यांची झडती घेतली असता त्याचे ताब्यात नशेचे 1)Tapentadol हे घटक असलेले Schedule H1 विनाप्रिस्क्रीप्शन विकण्यास बंदी असलेली गुंगीकारक १० गोळयांची स्ट्रीप, २) इंजेक्शन सिरींज, ३) एका कापडी पिशवीत वायग्रा गोळयांची स्ट्रीप, ४) एक प्रेसींग बॉल, ५) तीन लायटर, ६) नशा करण्याकरीता हाताला बांधण्याकरीता वापरला जाणारा एक काळा व एक लाल वेल्ट, ७) दोन काचेच्या चंदु आकाराच्या नळया (चिल्लम), ८) रक्ताचे डाग लागलेले कपडयाचे तुकडे, ९) Tapentadol हे घटक असलेले Schedule H1 विनाप्रिस्क्रीप्शन विकण्यास बंदी असलेली गुंगीकारक गोळयांची रिकामी स्ट्रीप, १०) एक स्टीलचा ग्लास, ११) एक इंजेक्शची न वापरलेली सुई इ. साहीत्य मिळुन आले. सदर इसमास गुंगीकारक औषधांचे प्रिस्क्रीप्शनबाबत विचारणा केली असता त्याने प्रिस्क्रीप्शन नसल्याचे सांगुन सदरचे गुंगीकारक औषध विना प्रिस्क्रीप्शन शिवाय गेले ०३ महिन्यापासून गांधी चौकातील वारद मेडीकल मधून खरेदी करत असल्याचे सांगीतले. त्यावरून पोह महेश पारडे यांनी दिलेल्या फिर्यादीवरून वारद मेडीकलच्या संचालकाविरोधात गांधी चौक पोलीस ठाण्यात गुन्हा दाखल केला आहे. तसेच लातूर शहरात अवैधपणे गुंगीकारक औषधे प्रिस्क्रीप्शनशिवाय विक्री करणाऱ्या मेडीकलवर कारवाई करण्याची मोहीम हाती घेतल्याची माहिती पोलिसांनी दिली आहे.
सदरची कारवाई वरिष्ठ पोलीस अधिकाऱ्यांच्या मार्गदर्शनाखाली लातूर शहर उपविभागीय पोलीस अधिकारी यांच्या कार्यालयातील पोलीस अंमलदार महेश पारडे, अरविंद वाघमोडे, गणेश मोरे, राहुल क्षिरसागर, रविसन जाधव यांनी केली आहे.
About the Author
