नवी दिल्ली | सर्वोच्च न्यायालयात आज घडलेल्या धक्कादायक प्रकारावर भारताचे मुख्य न्यायाधीश बी.आर. गवई यांनी शांत आणि संयमी प्रतिक्रिया दिली आहे. कोर्टात एका वकिलाने त्यांच्यावर बूट फेकण्याचा प्रयत्न केला असतानाही न्यायमूर्ती गवई यांनी प्रसंगाचे गांभीर्य न गमावता कार्यवाही सुरू ठेवली.
घटनेनंतर माध्यमांना प्रतिक्रिया देताना सरन्यायाधीश गवई म्हणाले,
“अशा प्रकारच्या घटनांनी मी विचलित होत नाही. न्यायव्यवस्थेवर माझा पूर्ण विश्वास आहे आणि आम्ही आमचे कर्तव्य नेहमीप्रमाणे पार पाडत राहू.”
या वक्तव्यानंतर त्यांच्या शांततेचे आणि धैर्याचे देशभरातून कौतुक होत आहे.
दरम्यान, बार कौन्सिल ऑफ इंडियाने हल्ला करणाऱ्या वकील राकेश किशोर याचे नोंदणी तत्काळ प्रभावाने रद्द केली आहे.
ही घटना न्यायव्यवस्थेच्या प्रतिष्ठेवर झालेला गंभीर आघात मानली जात असून, न्यायालय परिसरातील सुरक्षाव्यवस्थेचा पुनर्विचार करण्याची मागणीही पुढे येत आहे.
About the Author
