लातूर : लातूर जिल्ह्याच्या मातीतील आणखी एक गुणी विद्यार्थिनीने संपूर्ण देशात आपला ठसा उमटवला आहे. आयटीआय (औद्योगिक प्रशिक्षण संस्था) परीक्षेत देशात दुसरा क्रमांक मिळवणाऱ्या मदिया खदिर सय्यद हिचा स्वतः पंतप्रधान नरेंद्र मोदी यांच्या हस्ते गौरवपूर्ण सत्कार करण्यात आला आहे.
या यशानंतर लातूर शहरात आणि परिसरात सर्वत्र आनंदाचे वातावरण आहे. विविध समाजघटक, शैक्षणिक संस्था, सामाजिक संघटना आणि राजकीय नेत्यांनी मदिया हिचे कौतुक करत तिला उज्ज्वल भविष्यासाठी शुभेच्छा दिल्या आहेत.
मदिया हिने अत्यंत प्रतिकूल परिस्थितीत कठोर परिश्रम करून हे यश संपादन केले आहे. तिच्या आई-वडिलांनी तिच्या शिक्षणासाठी केलेल्या संघर्षाचीही सर्वत्र चर्चा आहे. तिच्या या यशामुळे लातूर जिल्ह्याचा आणि महाराष्ट्राचा अभिमान उंचावला आहे.
समाजातील मान्यवरांनी सांगितले की — “मदिया ही आजच्या तरुणाईसाठी प्रेरणास्थान आहे. ग्रामीण भागातील विद्यार्थ्यांनीही सातत्य, परिश्रम आणि आत्मविश्वासाने मोठे यश मिळवू शकते, हे तिने दाखवून दिले आहे.”
मदिया खदिर सय्यद हिचे अभिनंदन करण्यासाठी आयोजित कार्यक्रमात विविध मान्यवर, शिक्षक, आयटीआय अधिकारी आणि विद्यार्थी मोठ्या संख्येने उपस्थित होते.
About the Author
