पाच नगरात 658 उमेदवार रिंगणात
लातूर, दि.22
जिल्ह्यातील रेणापूर नगर पंचायत तसेच औसा, निलंगा, उदगीर आणि अहमदपूर या चार नगर परिषदांच्या निवडणूक प्रक्रिया आता अंतिम टप्प्यात पोहोचली आहे. अर्ज माघारीची अंतिम मुदत संपल्यानंतर अध्यक्ष आणि सदस्य पदांसाठी उमेदवारांची स्पष्ट आकडेवारी समोर आली असून जिल्ह्यातील राजकीय वातावरण तापले आहे. पक्षीय समीकरणांपासून स्वीय गटांच्या हालचालींपर्यंत सर्वत्र चुरस वाढत असल्याचे चित्र दिसत आहे.
अध्यक्षपदाची लढत : 44 उमेदवार मैदानात
पाचही स्थानिक स्वराज्य संस्थांमध्ये अध्यक्षपदासाठी एकूण 95 अर्ज दाखल झाले होते. त्यापैकी 58 अर्ज वैध ठरले, तर 15 उमेदवारांनी माघार घेतली. अंतिम टप्प्यात 44 उमेदवार रिंगणात उरले असून नगराध्यक्षपदासाठी प्रचंड स्पर्धा तयार झाली आहे.
अध्यक्ष पदासाठी उमेदवार संख्या अहमदपूर 11 अर्ज शिल्लक उदगीर 08 उमेदवार
निलंगा 07 उमेदवार
औसा 0 8 उमेदवार
रेणापूर 10 उमेदवार
अनेक शहरांमध्ये बहुकोनी लढतीचे स्पष्ट संकेत मिळत असून पक्षांच्या विजयी रणनीतींवर आणि नाराज कार्यकर्त्यांच्या स्वतंत्र उमेदवारीवर याचा सरळ परिणाम दिसून येत आहे.
सदस्यपदाची चुरस : 614 उमेदवार रिंगणात
जिल्ह्यातील पाचही स्थानिक स्वराज्य संस्थांमध्ये सदस्य पदांसाठी 1137 अर्ज दाखल झाले होते. त्यातील 722 अर्ज वैध, तर 107 उमेदवारांनी माघार घेतल्याने अंतिम टप्प्यात 614 उमेदवारांनी निवडणूक लढवण्याचा निर्णय कायम ठेवला आहे.
नगरनिहाय सदस्यपदाची स्थिती
अहमदपूर – 149 अर्ज
उदगीर – 205 अर्ज
निलंगा – 88 अर्ज
औसा – 78 अर्ज
रेणापूर – 94 अर्ज
यामुळे प्रत्येक नगरात मतदारांसमोर मोठा पर्याय उपलब्ध झाला असून अनेक प्रभागांमध्ये प्रबळ बहुकोनी चुरस पाहायला मिळत आहे.
या निवडणुकीत अनेक ठिकाणी सत्ता विरोधात असंतोष, स्थानिक नेतृत्वातील विसंवाद, जिल्हास्तरीय गटबाजी, आणि स्वतंत्र उमेदवारांची ताकद हे महत्त्वाचे मुद्दे ठरणार आहेत. प्रमुख पक्षांनी उमेदवारी देताना काळजी घेतली असली तरी नाराज कार्यकर्त्यांच्या मोठ्या संख्येने उभ्या राहिलेल्या अर्जांमुळे पक्षांच्या गणितात गुंतागुंत वाढली आहे.
उदगीर आणि अहमदपूर येथे पक्षांतर्गत गटबाजी प्रकर्षाने जाणवत आहे.निलंगा आणि औसा येथे स्वतंत्र उमेदवारांचे प्रमाण जास्त असल्याने निकालामध्ये मोठी उलथापालथ होण्याची शक्यता.रेणापूर नगर पंचायतमध्ये स्थानिक पातळीवरील गटांची चुरस अधिक तीव्र. अध्यक्षपदासाठी 44 आणि सदस्यपदासाठी तब्बल 614 उमेदवार रिंगणात असून लातूर जिल्ह्यातील स्थानिक स्वराज्य संस्थांची ही निवडणूक अत्यंत रंगतदार होणार आहे. बहुकोनी लढतींमुळे निकाल अनिश्चिततेने भरलेला राहणार असून मतदारांच्या भावनेचा कौल, स्थानिक प्रश्नांवरचा प्रतिसाद आणि लहान गटांची बाजी या सर्व घटकांवर अंतिम निकाल अवलंबून राहणार आहे.ही निवडणूक फक्त पक्षांची प्रतिष्ठाच नव्हे तर स्थानिक नेतृत्वाची कसोटी ठरणार आहे.
About the Author
